zindagi ka bharosa nahi zikre hyder kiya kijiye
aaqirat bhi sawar jaayegi ye fareeza ada kijiye
laakh sajde kiye jaaye phir bhi baqshish na ho paayegi
ye mohammad ka farmaan hai in ke ghar se wafa kijiye
dar pe aake ye shabbir ke ek rahib ne ki ilteja
mai sawaali hu shaahe zaman mujhko bete ata kijiye
bughze hyder hai bughze nabi ye najasat hai sab se badi
jo ali se adaawat rakhe door un se reha kijiye
ya ali aap muqatar hai ambiya ke madadgaar hai
jitne momin hai ughda kusha unki haajat rawa kijiye
aale ahmad ke zaakir mohib zikr ghairou ka karte nahi
aap shayer hai imraan ke manqebat hi likha kijiye