Karbobala me shaam e ghareeban ka hai sama
Baithi huwi hain khaak basar saari Bibiya'n
Bhai ke hai mazaar pa khwahar ki ye Fugha'n
Ham the sitam tha aur thi'n afwaaje ahle keen
Zainab Manane Aayi Hai Bhai ka Arbaee'n
Bazaar e Shaam aur who tamashaai allaman
Rukta tha har jaga pa aseeron ka karwaan
Ham sar khule the aur thi baazu me reesmaan
Tauq e giraa'n tha aur Mera Aabid e hazee'n
Zainab Manane Aayi Hai Bhai ka Arbaee'n
Laila ka haal Bibiyo'n me sab se ghair tha
Ek ek se kehti thi Mera Akbar kahan gaya
MainDhu'ndti hu'n koi bhi deta nahi'n pata
Naize liye huwe Usse ghere the kuch laeen
Zainab Manane Aayi Hai Bhai ka Arbaee'n
Abbas ka Wujood Hamara sahara tha
Nikla tha Teri simt wo saqqa Sakina ka
Kyun saahile furaat tu aage na aasaka
Ahle haram ke bain se hilne lagi zameen
Zainab Manane Aayi Hai Bhai ka Arbaee'n
Mehshar talak sanwaar di dono ne raah e haq
Baatil ka sar na uthega aisa diya sabaq
BhaiBahan Raza hain hidayat ke do waraq
Hai Karbala panaahe Muhabbat ki sarzamee'n
Zainab Manane Aayi Hai Bhai ka Arbaee'n