Masooma e kounain chali aaj watan se
Bhai ki judaai me gaya zor badan se
Kaante ki tarha sookh gayi ranj o mehan se
Zainab sa ayaa'n hota hai gham zouf e badan se
Ye saniye hamsheer hussain ibne ali hai
Bhai ki mohabbat me watan chod chali hai
Hamsheer dil afgaar ghareebul ghuraba ki
Paayi nahi muddat se qabar moosa raza ki
Kuch fikr hai aaram ki ne aab o ghiza ki
Baithi huwi karti hai ibadat bhi quda ki
Taaqat nahi chalne ki asaa ka hai sahara
Hai lab pa kahaa'n reh gaya bhai mera pyara
Jaati hu mai milne ko ghareebul ghuraba se
Milti nahi bekas ki qabar zulm o jafa se
Kuch qair ki umeed nahi ehle dagha se
Ab arsh hila dungi mai faryaad o buka se
Kya aap ki marzi hai suna dijiye jaldi
Hai qaid agar bhai chuda dijiye jaldi
Awaaz e rasool e do sara kaan me aayi
Kar sabr sitam deeda o mazloom ki jaayi
Darbaar e ilaahi me kabhi de na dohaayi
Ek roz kisi tarha se mil jaayega bhaai
Muh mod ke raahat se abhi sath chalunga
Turbat se nikal kar tere humraah rahunga
Ruqsat huwi ye sun ke gayi fatima ke paas
Sar payenti marqad ke rakha aaye wo vaswaas
Pehle se siwa girya kiya dil huwa be aas
Bhai se mulaqat ki badhti hi gayi yaas
Chillayi ke qadmou pa tumhare mera sar hai
Kya guzri kaho bhai ki kuch tumko qabar hai
Ummat hame chodegi kisi roz satana
Ghurbat me chali hu mujhe aijaaz dikhana
Raste me qaza aaye to tum laash par aana Aur ghusl o kafan hooriyou se aap dilana
Dil hilta hai vaswaas bohat aate hai amma
Lo jald qabar hosh mere jaate hai amma
Uthhi lahad e fatima zahra se ba riqqat
Seene se bhateeje ko laga kar kiya ruqsat Phir baith gayi kaanpti mehmil me ba riqqat
Chillane lage sab ye basad aah o mohabbat
Aye dukhtar e mazloom khuda hafiz o nasir
Aye qwahar e mazloom khuda hafiz o nasir
Do manzila karti thi safar muztar o naala'n
Chalti huwi pohanchi dar e qum par jo paresha'n
Pohanchi ye qabar shehr me tha hashr ka saama'n
Har saahib e imaa'n ne kiya qaak garebaa'n
Sab ahle wila apne gharou se nikal aaye
Phainke huwe amame sarou se nikal aaye
Hoti hai azadaari ye kis abde quda ki
Hai qair to be yaar anees ul karaba ki
Lillah sunaao to qabar bhai raza ki
Mamoon ne bhi kya mere bhai se dagha ki
Lab hilte hai par kehte nahi saaf zabaa'n se
Ruqsat huwa kya bhai mera daar e jaha'n se
Aye bibiyo ab behre quda jald batao
Taa hashr tumhe dungi dua jald bataao
Zehra ke liye ahle aza jald bataao
Kis jaa hai ghareebul ghuraba jald bataao
Kis haal me wo qaaliq e akbar ka wali hai
Batlaata nahi koi meri jaan chali hai
Tab sab ne kaha qaak e aza sar pe udhaa ke
Shehzaadi tumhe sabr e hassan rabb e ulaa de
Sun leeje sunaani dil e pur gham ko sambhaale
Maare gaye mazloom raza zulm o jafa se
Be jurm kiya qatl imaame dosara ko
Angoor me zalim ne diya zehr raza ko
Ab kaash meri laash pa aye bhai tum aate
Rote huwe mayyat ko meri ghusl dilaate
Hathou se kafan apne mujhe aap pinhaate
Taa qabr janaza mera kaandhe pa uthaate
Hai aag kaleje me kaleje se lagaalo
Rouze pa nagee'n ko bhi bohat jald bulaalo