momino aaj qurasaa'n me hai taaza maatam
thar tharaate hai falak arsh-o- zamee'n loh-o-qalam
aate hai aal-e- abaa qaak udaate baaham
aabid-o- baaqar-o- jaafar wa janaab-e- kaazim
mu ko sab ahle aza aanso'n se dhote hai
jama mayyat ke uthaane ke liye hote hai
kya kiya qehr ke be jurm-o- qataa ko maara
dilbar-e- faatema-o- sher-e- quda ko maara
zeher dilwaake gharibul ghuraba ko maara
aaj maamoon ne mazloom raza ko maara
qaak me milgaya ek aur gul-e- baaghe zehra
gul huwa aaj qurasaa'n me charaaghe zehra
is tarha waaqeya hai aaj ka raawi ne likha
ibn-e- haaroon ne hazrat ko ju hi bulwaaya
aaye darbaar me jis waqt imaam-e- dosaraa
taqt par apne qari'n shaah ko bhi bithlaaya phir kaha shaah se farmaaiye to pesh karoo'n
aap ke waaste angoor mai le rakkha hoo'n
kaha mazloom ne mujh ko nahi angoor ki chaah
kisi liye saamne hai tasht jo tu ne rakkha
kiya israar jo usne to imaam-e- zeejaah
khake angoor ko kehne lage inna lillah
poocha maamoon ne kya baat hai farmaaiyega
sar jhuka kar kaha masmoom ne maloom huwa
khake angoor-e- dagha aaye hai ghar ko apne
qai kiye jaate hai pakde huwe sar ko apne
dard hota hai dabaate hai jigar ko apne
yaad farmaate hai hamsheer-o- pisar ko apne
syed-o- bekas-o- mazloom gharibul ghuraba
muztarib haal hai masmoom gharibul ghuraba
mout ka aagaya chehre pa pasina yaaro
ghash me hai waaris-e- sultaan-e- madina yaaro
aathwaan mohr-e- nabuwaat ka nagina yaaro
qaak me milta hai ahmed ka qazina yaaro
dar-o- deewaar ko hasrat se raza dekhte hai aur unhe yaas se sab aal-e- abaa dekhte hai
peet'ti hai kabhi sar ko kabhi tharrati hai
faatema istarha rone ke liye aati hai
jaanib-e- arsh-e- ulaa rooh-e- raza jaati hai
bekasi laash pa roro ke ye chillaati hai
mout ki hichkiyaa'n ab leta hai dibar uska
chaar hammaal uthaaye the janaaza jiska
sach hai ghurbat ki ajab mout hai aye ehle azaa
naa koi monis-o- yaawar na dawaa hai na ghiza
bistar-e- marg pa the aap tawakkal ba qudaa
naa koi paani pilaane ko dam-e- aaqir thaa
wahi bekas hai raza naz'aa me inna lillah
haaye kya waqt hai mazloom pe allah allah
qaak ka farsh ridaa gard tawakkal takyaa
uf bhi karta nahi qaamoosh hai sone waala
naz'aa me dekha raza ne jo shabi-e- zehra
band aankhe huwi aur qaatema bilqair huwa
ek hichki ka bas aana tha ke dam tod gaye
momino ke liye yaad apni raza chod gaye
aake yasrab se taqi dekhte hai kya naqsha
band aankhe kiye behosh pade hai baba
sar ko baba ke utha zaanu pa apne rakha
roke chillane lage kya ye huwa hai aba'ta
kab se chillata hai sar peet ke nalaan taqi
aankho'n ko kholo zara aap ke qurbaan taqi
baap ka pursa do bete ko tum aye ehle azaa
jisko mamoon ne khilwaaya hai angoor-e- daghaa
neelgoo'n hogaya hai jism-e- mubarak jiskaa
jiski mayyat pa nahi koi bhi rone waala
be pidar hogaye masmoom taqi waawailaa
haaye bejaa'n huwa kaazim ka wasi waawailaa