Itni Bhar Jaaie, In Aankhon me , Ziya E ABBAS
Mujhko Ko Na Nazar Aaye Siwa E ABBAS
Mere Alfaz me Kyu Ho Na Rawani Ka Kamaal …..2
Mai Ne Daryao'n Se Seekhi Hai Sana E ABBAS
Karbala Ek Hi Misre me Suna Sakta Hun …..2
Azm E ZAINAB , Dil E SHABBIR Wafa E ABBAS
Akhri Saans Jo Tauba Ke Liye Hoti Hai…..2
Mai Ne Wo Saans Bhi Rakh Li Hai Bara E ABBAS
Mai Ne Is Husn E Shabaahat Pe Bahut Ghaur Kiya …..2
Sonchta Hu Ke Ali Likhdu Bajae ABBAS
Mere Ashar Bhala Khuld me Maqbool Na Ho …..2
Itni Kamzoor Nai Hoti Sana E ABBAS
Yu Karo Naam E Sakina (Sa) Zara Le Kar Dekho …..2
Ghair Mumkin Hai Bula Ne Pe Na Aaye ABBAS