Wafa Jiska Padhe Kalma use Abbas Kehte Hai
Jise Sajde Kare Sajdah use Abbas Kehte Hai
Woh Pyasa Pyas Ne Jiski Kiya Sehrab Darya Ko
Hai Jis Ki Pyas Bhi Darya Use Abbas Kehte Hai
Jo Hai Shabbir Ki quwwat Ali Ko Naaz Hi Jis Par
Jise Zehra Kahe Beta use Abbas Kehte Hai
Laga De Jo Bagair Tegh Hi Ambaar Lasho'n Ke
Jo Hai Paikar Shuja'at Ka use Abbas Kehte Hai
Jo Patthar Par Alam Gade use Kehte Hai Sub Hyder
Alam Gade Jo Pani Pe use Abbas Kehte Hai
Ali Ka Khoon, Zehra (S.a.) Ki Dua Hasnain Ki Chahat
Bane In Sub Se Jo Milkar use Abbas Kehte Hai
Jo Hukme Shaah Pe Roke Rahe Talwar Ko Apni
Jo Tanha Bhi Rahe Lashkar use Abbas Kehte Hai
Uthe Toofa'n Chale Aandhi Zamee'n Gardish Kare Phir Bhi
Rahe Uncha Alam Jiska use Abbas Kehte Hai
Jo Tha Shabbir Ka qaadim Magar Sab Sahebaane Dil
use Aaqa, use Maula, use Abbas Kehte Hai