ghunche chatak rahe hai gul muskura rahe hai
roushan hai zarra zarra abbas aa rahe hai
pur noor hai fizaae maqmoor hai hawaae
ummul baaneen ke dilbar dunya me aa rahe hai
musdah khushi ka sun kar aakar dare ali par
masroor hai farishte aankhein bicha rahe hai
zehra tere karam se abbas ki sana ko
khinch kar qalam ki janib alfaaz aa rahe hai
haajat rawaai karne mushkil kushaai karne
mushkil kusha ke dilbar tashreef laa rahe hai
kaisa hasee'n hai manzar kya dilnashee'n hai manzar
aaghoshe murtaza me abbas aa rahe hai
abbas hi ke ruq par zainab ki hai nigaahe
shabbir muskura kar jhoola jhula rahe hai
masroor mujtaba hai kulsoom mutmaeen hai
bhai behan khushi se aansu baha rahe hai
aaghoshe fatima me aao sakina bibi
ham aapke chacha ki mehfil saja rahe hai
kahiye durood padh kar sab momineen mil kar
abbas aa rahe hai abbas aa rahe hai
beshak duaa e zehra unka naseeb hai jo
abbas ki sana ki mehfil saja rahe hai
aaqa ke ghar qushi hai qairaat kyu na lenge
is ghar ka sadqa hum to sadiyo se kha rahe hai