ghunchou ke chatakne ki qabar auno mohammad
har phool me qushbu ka asar auno mohammad
abbas afaq shamso qamar auno mohammad
zainab ki duaou ka asar auno mohammad
aajaenge qud bazm me phir shabbaro shabbir
ho mad'ha ka unwaan agar auno mohammad
ban jayenge sajde ka nishaa'n lafz simat kar
tum likhhoge kagaz pe agar auno mohammad
karta hu sana unki mujhe is ka yaqee'n hai
denge mujhe lafzou ke gohar auno mohammad
gar shehr shujaa'at ke bane hyder o jaffer
is shehre shujaa'at ke do dar auno mohammad
do lakh ka hai waise sitam garou ka lashkar
kardenge magar zer o zabar auno mohammad
aaghosh me maadar hi ke tai kar ke chale the
bhar poor shujaa'at ka safar auno mohammad
phir shaam ke lashkar ki sehar hi na thi mumkin
kardete wegha chal ke agar auno mohammad
ek dusre se kehte the chup ke se sitamgar
bhago ke na ajaye idhar auno mohammad