JAB KAR GAYE DUNIYA SE SAFAR AON-O-MOHAMMED
THE TASHNA DAHAN TASHNA JIGAR AON-O-MOHAMMED
Mamoo pa fida hogaye sar apna kata kar
Maqtal se chale Shaah jo laasho ko utha kar
Aayi jo khabar Qaime mein barpa huwa mehshar
Maare gaye Zainab ke pisar Aon-o-Mohammed
Thi dasht-e-museebat mein ghata zulm ki chaye
Wo pyas ki shiddat wo hazaron se ladaye
Tha hukm jo madar ka to dekhi na taraye
Bandhe rahe marne pa kamarAon-o-Mohammed
Masoom the wo teen shab-o-roz ke pyase
Hyder ki shujaat ke sab asaar ayan the
Maqtal mein udhar lagte the anbaar saron ke
Rukh karte the maidaa’n mein jidhar Aon-o-Mohammed
Wada jo tha maadar se usi ko tha nibhaya
Bhoole se suwe naher kabhi mudke na dekha
Tha pyaas ki aankhon se rawan ashkon ka dariya
Jab hoke gire khoon mein tar Aon-o-Mohammed
Tar khoon mein betaun ke jo lashe nazar aaye
Dil maa ka tha aakhir wo na kyun gham se bhar aaye
Kehti thi jo poochenge tumhe apne paraye
Kya unse kahun jaake mai ghar Aon-o-Mohammed
Taqdeer ne beton ki juhin lash dikhaye
Zainab ne jabeen shukar ke sajde mein jhukaye
Wo sabr ka alam tha ke hairaan thi khudaye Phir jate the ankhon mein magar Aon-o-Mohammed
Jis waqt Sohail Ahle Haram qaid se choote
Barpa thi qayamat wo Madine mein jab aaye
Zainab ki zubaa’n par the shab-o-roz ye nale
Abaad kabhi hoga na ghar Aon-o-Mohammed