shahzadiya ro ro kehti thi
haye hussain haye hussain . . . . .
1. taraj huwa farwa ka chaman
bewa huwi kuch lamho ki dulhan
ayee hain aba ke goshe mein
maidan se lashe ibne hasan
shahzadiya ro ro kehti thi . . . . .
2. saqqa -e- sakina qatl huwa
shane bhi kate mashkiza chida
pani ke liye bache tadpe
ek boond magar pani na mila
shahzadiya ro ro kehti thi . . . . .
3. abbas ke sar par gurz laga
teer aankh mein ek paiwast huwa
ghode se gira is aalam mein
haaton ka shahara bhi na mila
shahzadiya ro ro kehti thi . . . . .
4. ashoor ko jis dum sham huwi
khaimo mein humare aag lagi
barbaad huwa zehra ka ghar
asbab luta chadar bhi chini hai
shahzadiya ro ro kehti thi . . . .
5. mushkil ki ghadi hai khaimon mein
ek lut machi hai khaimon mein
bimar hain ghash ke alam mein aur aag lagi hain khaimon mein
shahzadiya ro ro kehti thi . . . .
6. baad aap ke wo ufwad padi
khud hum pa museebat rone lagi
youn aale nabi ko qaid kiya
barah the gale aur ek rasan
7. le jaya gaya bazaron mein
be parda humein darbaro mein
har lamha musibat sehne ki
takhat na thi gham ke maro mein
shahzadiya ro ro kehti thi . . . .
8. hain kitni aziyat kis se kahen
karne ko himayat kis se kahe
insan yaha par koi nahi
hum apni musibat kis se kahen
shahzadiya ro ro kehti thi . . . .
9. kya khoon mein dooba manzar tha
naizo pe shahidon ka sar tha
raho mein tamashai the khade aur ahle haram bechadar the
shahzadiya ro ro kehti thi . . . .
10. zaqmi hain jigar dil rota hain
reh reh ke qalak ye hota hain
shano ko kataye dariya pe
parde ka muhafiz sota hai
shahzadiya ro ro kehti thi . . . .
11. jee choda sakina bibi ne
moo moda sakina bibi ne
zindan mein razvi roro ke
dum toda sakina bibi ne . . . . .