tham kar apni kamar shey ne sada di abbas
aye alamdar-e-jari aye mere bhai abbas
1.haath katne pe bhi seene se tha mashikza laga
bole shey khoob wafa tum ne nibhai abbas
2.ab na akbar sa jawan la’al na humdum koi
tumsa saathi nahi yawar nahi ghazi abbas
3.nehr thi zere khadam tum rahi pyaase phir bhi
hashr tak teri wafa yaad rahegi abbas
4.jaan ko khuwaaish-e-baba nichawar karke
aabroo haq-e-niyabath ki bachayi abbas
5.kya kahun jaake sakina se kaha sarwar ne
kya qayamath ki ghadi mujh pe ye aayi abbas
6.laash pe hazrath-e-abbas ki shey kehte the
mujhko tadpayegi ab teri judai abbas
7.hyderi sher ho maskan bhi tarai payi
khoob sone ki jagah tumne hai paayi abbas
8.jab lahad nanhi si ek maine banai run mein
yaad us waqt mujhe teri hai aayi abbas
9.dekh kar sher ko aate huwe apni jaanib
chodh kar bhaage layeen pal mein tarai abbas
10.kis khadar zulm sahe tum ko bataun kya kya
aaj aada ne kamar todi hai bhai abbas
11.shah kehte the basad aaho fughan yeh sarwath
kaun ab lega khabar aye mere bhai abbas