roke kehte the ran mein yeh sarwar
koi khata nahi taras hum par
dasht -e- ghurbat mein loot gaya aakhar
jaan -e- zehra ki jaan ali akber
1. kya hawaye sitam chali beta
bujh gaye sab charagh -e- deen khuda
hai nigaho mein shaam ka manzar
jaan -e- zehra ki jaan . . . . .
2. yeh zayifee yeh koh - e - ranjo alam
koi monis na koi hai humdum
kitna tanha hain fatima ka pisar
jaan -e- zehra ki jaan . . . . .
3. kaun hain ab sambhalne wala
har sitamgar hain khoon ka pyasa
haal -e- dil kisse main kaho jakar
jaan -e- zehra ki jaan . . . . .
4. aarzoovo se hasrato se tujhe
jisne pala tha mannato se tujhe
marna jaye yeh dekh kar manzar
jaan -e- zehra ki jaan . . . . .
5. kaun samjhaye koi paas nahi
dekho maqtal mein aana jaye kahin
dar pe tehri hain zainab -e- muztar
jaan -e- zehra ki jaan . . . . .
6. jaan -e- zehra ke noor -e- ain utho
haal kya hogaya mera dekho
has rahe hain yeh ashkiya hum par
jaan -e- zehra ki jaan . . . . .
7. laash qaimey mein laaye jab sarvar
tha fareed uss ghadi bapa mehshar
bain yeh kar rahi thi maa rokar
jaan -e- zehra ki jaan . . . . .