BERIDA BINTE ALI HAI SHAM KE DARBAR MEIN
ZINDAGI SEHMI HUWI HAI SHAM KE DARBAR MEIN
Sham ke darbar mein hai dekhiye Aal-e-Nabi
Bekaso ka poochne wala nahi hai koi bhi
Saqt aafat ki ghadi hai, sham ke darbar mein
Sab ke bazu hai bandhe aur hai sakina ka gala
Chhil chuki gardan rasan se khoon jari ho chuka
Inteha ye zulm ki hai, sham ke darbar mein
Ho kaha Abbas aao ye madad ki hai ghadi
Aake dekho to zara pyaasi bhatiji aapki
Apne panjo’n par khadi hai, sham ke darbar mein
Sham ki sab aurte baithi huwe parde mein hain
Kuch nahi aukaat jinki wo sabhi parde mein hain
Sar khule aal-e-nabi hai, shaam ke darbar mein
Karbala ta shaam kaanto par chalakar laye hain
Bekaso ko darbadar zalim phirakar laye hain
Behisi chhayi huwi hai, sham ke darbar mein
Karbala mein lut gaya yuin Fatima Zehra ka ghar
Rone wala tak nahi hai bekaso ke haal par
Bekasi khud ro rahi hai, sham ke darbaar mein
Ahlebait-e-Mustafa par zulm ki hai inteha
Tootne paata nahi hai ranj-o-gham ka silsila
Khud musibat ro rahi hai, sham ke darbar mein
Aye Hasan kehde ye jaakar Hazrat-e-Abbas se
Zainab-o-Kulsoom ki tooti huwi us yaas se
Muntazar imdaad ki hai, shaam ke darbar mein