BINTE ZEHRA NE BADE KARB KE MANZAR DEKHE
NOKE NAIZA PE SHAHEDON KE KATE SAR DEKHE
Kyu na chalees baras royen na Sajjad-e-Hazeen
Samne ankhon ke sab lut-te huwe ghar dekhe
Kis tarha khaime mein le aayen Shahedeen lashe
Muztarib maaon ko jab khaime ke dar par dekhe
Gham se dil phat gaya Zainab ka shab-e-ashoor
Jalti reti pe bahattar(72) tan be sar dekhe
Dagh ye dil pe liye pohunche lahad mein Abid
Apni maa behnon ko balwe mein khule sar dekhe
Tha kalq uska bahot Abid-e-Muztar ko sada
Sar-e-Bazaar jo be maqna-o-chadar dekhe
Garche Ayoob bhi hote to na ye seh pate
Wo manazar jo sabhi Abid-e-Muztar dekhe
Haye taqdeer Mohammed ke gharane ki Sohail
Be kafan dasht mein aulaad-e-payamber dekhe