EK HASHR BAPA HAI DARYA PAR – BE DAST HUWA IBNE HYDER
Tha tegh-e-jafa ka aisa asar – Majroo huwa Zehra ka jigar
Aur toot gaye Sarwar ki kamar – Be dast huwa Ibne Hyder
Jab Shere Jari ghode se gira – Khush hoke ye kehte the aada
Lo khatm huwa Sheh ka lashkar – Be dast huwa Ibne Hyder
Jab run mein goonji Sheh ki sada – Kis haal mein hai bhaye mera
Kehte the yehi sab Ahle shar – Be dast huwa Ibne Hyder
Hathon se kamar ko thame huwe – Ankhon se lahu barsate huwe
Shabbir ye jab paye ye khaber – Be dast huwa Ibne Hyder
Bachon se Sakina kehti thi – Lane hai gaye ammu pani
Nagah ye run se aaye khabar – Be dast huwa Ibne Hyder
Khaime mein Shahe deen Zainab se – Ro ro ke yehi farmate the
Chhin jayegi ab teri chadar – Be dast huwa Ibne Hyder
Maqtal mein ye kehte the aada – Shabbir ka jab kateinge gala
Hoga na koi usdam Yawar – Be dast huwa Ibne Hyder