GOONJI ASHOOR KO KARBAL MEIN AZAAN-E-AKBER
AUR KUCH DER BHI NA GUZRI THI HOGAYA EK MEHSHAR
Jung ka dasht mein kuch istarha aghaaz huwa
Haq pe jo aaye the hone laga unpar hamla
Sheh ke ansaar huwe Deen-e-Mohammed pe fida
Saare ashaab kiye jate the jannat ka safar
Aik din mein huwa barbaad Nabi ka gulshan
Saare maidaan mein bikhre the shahedon ke badan
Jiske lashon ko mayassar bhi na hopaya kafan
Nok-e-naiza pe chada ya gaya har ek ke sar
Haq pe Zainab ne diye apne haseen pisar
Ek pal rukh na kiya lardte huwe darya par
Har ghadi rehti thi madar ki waseeyat pe nazar
Hogaye mamu pe qurbaan wo do tishna jigar
Run mein phir Qasim-e-bepar ka ajab haal huwa
Dee’n ki nusrat ko chala bandh ke sar par sehra
Fatema Kubra ka Qasim se juhin aqd racha
Jisdam pamaal tha sab jalti huwe reti par
Khaye hum shakle Nabi jis ghadi seene mein sinaa’n
Khak par khoon me ghaltaa’n tha wo Sarwar ka jawaa’n
Karb ka Shaha ne kin ankhon se dekha wo samaa’n
Khenche jis waqt sina phat gaya seene mein jigar
Bawafa laut ke maidaa’n se ne wapas aaya
Soogaya jake labe naher haram ka saqqa
Jiske marne se huwe Ahle Haram be parda
Lash par jiski kamar tham ke roye Sarwar
Sun ke hal min ki sada jhule se Asghar ne kaha
Dee’n ki imdaad ko ata hoon abhi mai baba
Mai seh roz ka hoon sath mein sab ke pyasa
Teer khaonga magar hoga tabassum lab par
Ye Gham-e-Shah jo taza hai Sohail aaj talak
Haan isi gham mein sada rote hain jin-o-malak
Sheh ki ghurbat pe jahan phoot ke roya hai falak
Hum ibadat ye sada karte raheinge rokar