GHURBAT MEIN TUM SHAHEED HUE MOOSI-E-RAZA
EK BEKASO GHAREEB PAR KAISA SITAM HUA, ZEHRE DAGA SE QALB O JIGAR CHAAK HOGAYA, YAAD AAYI JO HUSSAIN KI TADPE ZAMEEN PA SHAH, GHURBAT MAIN TUM SHAHEED HUE MOOSI-E-RAZA
KEHKAR CHALE GHULAM SE YE AATHWE IMAM, SAR PAR ABA AGAR HOTO KARNA NA KUCH KALAAM, DAALE ABA KO AAYE HAIN MOULA-E-TASHNA KAAM, GHURBAT MAIN TUM SHAHEED HUE MOOSI-E-RAZA
MAMOON-E- NA RASHEED NE ZEHRE DAGA DIYA, AANGOOR JAISE KHATE HI GHASH TAARI HOGAYA, MEHMAAN BULA KE ZULM KIYA WA MUSIBATA, GHURBAT MAIN TUM SHAHEED HUE MOOSI-E-RAZA
PARDES MAIN YE KAISI MUSIBAT GUZAR GAYI, BETA KHARIB HAIN NA BAHEN AUR NA BHAI BHI, GHURBAT MAIN HAYE UTH-TI HAI MAYYAT GHARIB KI, GHURBAT MAIN TUM SHAHEED HUE MOOSI-E-RAZA
AAYI BAHEN MADINE SE BHAI KI CHAAH ME, PAAYI KHABAR JO MARNE KI ASNAYE RAH ME, DUNIYA SIYAA HOGAYI QALB O NIGAAH MAI, GHURBAT MAIN TUM SHAHEED HUE MOOSI-E-RAZA
MASOOMA SAR KO PEET KE RO KAR YE KEHTE THI, BHAIYYA SHAHEED HOGAYE MAIN ZINDA REH GAYI, KYON MUJHKO MOUT AAYI NA MAIN KYON NA CHAL BASI, GHURBAT MAIN TUM SHAHEED HUE MOOSI-E-RAZA
HASRAT HAI JAKE ROUZE PA MAJLIS BAPA KAREIN, PEETE SARO KO NOUHA PADHEIN AUR BUKA KAREIN, PARWANO KI QUBOOL JO MOULA DUA KAREIN, GHURBAT MAIN TUM SHAHEED HUE MOOSI-E-RAZA
HAI HAI TAMAM KAR DIYA ZALIM NE TERA KAAM, GHAR GHAR MAIN AAJ HOTA HAIN MATAM TERA IMAM, AUR MOOSAVI KE LAB PA HAI NOUHA YE SUBHA SHAAM, GHURBAT MAIN TUM SHAHEED HUE MOOSI-E-RAZA..