HAI SHUMR KE HAATHON MEIN KHANJAR KHANJAR KE TALE SARWAR KA GALA, ZAKHMI HAI BADAN JALTI HAI ZAMEEN RETI PA TADAPTA HAI LAASHA
AABAAD THA KAISA GHAR KAL TAK THE AKBAR AUR ASGHAR KAL TAK, VEERAN HAI AB ZEHRA KA CHAMAN CHHOTA HI BACHA HAI AUR NA BADA
ABBAS AKELA CHHOD GAYE GHURBAT MEIN KAMAR KO TODH GAYE, BE AAS PADA HAI JANE NABI AB KOUN SUNE ZAINAB KI SADA
FARYAD KUNAAN HAI JINN-O-MALAK HILTI HAI ZAMEEN LARZA HAI FALAK, KUCH DER MEIN AB BARSEGA LAHOO KATNE KO HAI SHEH KA PYAASA GALA
KUCH DER HUI GOODI UJDE FARYAAD KARE TOH KIS SE KARE, AB MAANG UJADNE WALI HAI JAYE TOH KAHA JAYE LAILA
HAR SIMT UDASI CHHAYI HAI MAZLOOM HAI OR TANHAYI HAI, BEMAAR JO EK BAAQI HAI BACHA KHAIMEY MEIN HAI WO BEHOSH PADA
BACCHI PA YATEEMI CHHAYEGI ROONE PAS TAMACHE KHAYEGI, AB AAG LAGEGI KHAIMO MEIN CHHIN JAYEGI AB ZAINAB KI RIDA
US PYAAS KAAALAM KYA HO BAYAN JALTA THA JIGAR NAZRAON MEIN DHUWAN, EK AAH NIKALTI DIL SE AGAR JAL JATI ZAMEENE KARB-O-BALAAB
IS SE ZIYADA AUR TERI KHISMAT KI BULANDI KYA HOGI, DARBAR-E-HUSSAINI MEIN AHSAN MAQBOOL HUA TERA NOUHA..