HAYE RAN KO KHAIME SE KISTARHA CHALE AKBAR, LAASH JISTARHA NIKLE EK HUJOOME GHAM LEKAR
AO DEKHNE WALO BEKASI KA YE MANZAR, JA RAHA HAI MAIDAN KO AB SHABIHE PAIGHAMBAR, MAA BAHEN PHOOPI BHAYI SAB LIPAT GAYE AAKAR, SAAMNE UJADTA HAI EK BASA BASAYA GHAR
MAA BALAAEYEN LETI THI BAR BAR ULFAT SE, DEKHTE THE AKBAR KO SAB NIGAHE HASRAT SE, SOOZE GHAM SE DIL ZAKHMI HOGAYE IS HAALAT SE, KHAAK PAR KAHOO DIL KA BEHRAHA THA SHIDDAT SE
SHOWR-E-ALVIDA AKBAR UTH RAHA THA REH REH KAR, KHAAK SAB UDATE THE PEET TE THE APNE SAR, DIL KO THAME ROTI THI DAR PE MAADAR-E-MUZTAR, EK TADAP HUI PAIDA TEER CHALGAYE DIL PAR
KHAAK-O-KHOON MAIN LAILA AB MILEGI YE SURAT, BAN RAHI HAI SEENAON MAIN HASRATAON KI EK TURBAT, BAAP SE JAWAAN BETA HO RAHA HAI AB RUQHSAT, BEKASI WO TANHAYIE HAYE AALAM-E-GHURBAT
TOOT TI RAHI SAANSEN MILSAKA KAHAN PAANI, REHGAAYI ISHARAON SE MAANG KAR ZUBAN PAANI, TASHNA LAB JAWAN BETA KHAAK PAR RAWAN PAANI, KHOON-E-DIL SE BHI TARMEEM HOGAYA GARANPAANI