baba bohot andhera hai-dar lagta hai
zindaa'n me ab basera hai-dar lagta hai
shimre layi'n dikhaata hai qanjar jo baar baar-dar lagta hai
durre tamaache maarta mujhe wo qoon qaar-dar lagta hai
had ho gayi sitam ki kurta jalaata hai
sab ke gale me hai rasan sab se mai choti hu-dar lagta hai
dukhta hai gala isliye panjo pe chalti hu-dar lagta hai
beti pe aapki taras koi na khaata hai
kaano se mere shimr ne cheeni hai baaliya-dar lagta hai
behta hai qoon kaano se sehmi hai bibiya-dar lagta hai
ghabraake kaampti hu wo muskuraata hai
na aap na chacha hai na bhayya ali akbar-dar lagta hai
gardan me touq bhai ke phupiya hai khule sar-dar lagta hai
darbar me yazeed ab ham ko bulaata hai
besharm karta jaata hai ghustaaqi aap se-dar lagta hai
zalim chadi se maarta hoto pe aapke-dar lagta hai
sar aapka bataakar ham ko rulaata hai
seene pe aapke mujhe kuch der sulaalo-dar lagta hai
aaghosh me lelo mujhe godi me uthaalo-dar lagta hai
dil yaad karke aapko bechain rehta hai
harsu andhera chaaya hai zinda'n hai darouna-dar lagta hai
shiddat ki pyaas se meri sookhi hai haddiya'n-dar lagta hai
kab jaayenge watan ko ghar yaad aata hai
waqte qaza sakina ke hoto pe tha bayaa'n-dar lagta hai
sunlo wasiyate'n meri aao phupi amma-dar lagta hai
jaati hu ab lahad me baba bulaata hai