ZEHRA KE BAIN THE YE PAYAMBER UTHO UTHO
DEEN-E-KHUDA KE HADI-O-RAHBER UTHO UTHO
Baba tumhari yaad mein tukde jigar hai aaj
Dil beqaraar hai mera dumbhar utho utho
Bechain dil hai paas bula lijiye mujhe
Ab zeest meri hogayi doobhar utho utho
Hasnain roke kehte hain nana kaha gaye
Bachcho ko mai manau to kyunkar utho utho
Zainab pachhade khaati hain Kulsoom rothi hain
Furqat mein sab hain apki muztar utho utho
Qabr-e-Rasool-e-Pak pe Zehra ke the ye bain
Rone nahi ye dete sitamgar utho utho
Pehlu mera shikasta kiya ghar jala diya
Jaaun kahan mai bachcho ko lekar utho utho
Ghurbat me sar se Saaya-e-Rehmath jo uth gaya
Qasim bhi keh raha hai ye rokar utho utho