ABBAS TERE MARNE SE DUNYA UJARD GAYE
Lashe Jari pa kehte the Sarwar ba chashme tar
Tum kya gaye jahan se tooti meri kamar
Akber bhi run ko jata hai baba ko chord kar
Kis se kahun jo mujh pe qayamat guzargaye
Khaime mein jake Zainab-e-Muztar se kya kahun
Bachon se kya kahun tere dilbar se kya kahun
Itna batado Kwahar-e-Asghar se kya kahun
Kis se kahun jo mujh pe qayamat guzargaye
Bachon se bar bar Sakina ye kehti thi
Layenge pani naher se ammu mere abhi
Kaise batao aayega saqqa na ab abhi
Kis se kahun jo mujh pe qayamat guzargaye
Bhaiya teri bhatiji ko kis darja pyas hai
Jo teen din ki pyas se wo behawaas hai
Darya pe tum gaye to Sakina ko aas hai
Kis se kahun jo mujh pe qayamat guzargaye
Khaime mein leke mashk-o-alam kaise jaonga
Puchenge tujh ko Ahle haram kya bataonga
Nazren teri bhatiji se kaise milaonga
Kis se kahun jo mujh pe qayamat guzargaye
Khanjar se ab katega gala tere bhaiye ka
Abbas tere dam se tha peeri mein aasra
Zainab ke sar se chhenenge zalim bhi ab rida
Kis se kahun jo mujh pe qayamat guzargaye
Aye Moosvi Sakina ka saqqa nahi raha
Thame kamar ko kehte the ye Shahe Karbala
Mashkize ko bachate huwe jaan de diya
Kis se kahun jo mujh pe qayamat guzargaye