Batool kehti thi rokar mere ghareeb pidar, Yateem hogayi ab mai bala naseeb pidar.
Jaha'n se uthgaye tum koun pooche Zehra ko, Bas aj sogaye hai hai mere naseeb pidar.
Maza nahi hai kuch ab zeest me hamare liye, Uthe'nge qalq se ab hum bhi anqareeb pidar.
Tumhare saath tha jeena mujhe bula lijiye, Jahan me rehke karu kya mai badnaseeb pidar.
Uthaye jayenge sadme na hijr ke mujhse, Khuda kare ke meri mout ho qareeb pidar.
Hame satane ab ummat ko qouf kiska hai, Tumhare baad karenge sitam ajeeb pidar.
Kabhi na aapne rahat uthayi duniya me, Sitam rasida mere faqakash gareeb pidar.
Ab ap kijiye 'Masroor' ki madad gaari, Uthake zehmatei'n marjayega ghareeb pidar