ya zainab -o- ume kulsum aley kunna minni salaam
jata hai yeh mazloom khuda hafiz -o- nasir
aye zainab -o- kulsum khuda hafiz -o-nasir
1. kuch dair mein lut jayega zehra ka bhara ghar
har simt qayamat ka nazar ayega manzar
rakhenge sitamgaar yeh naize pe mera sar
jata hain yeh mazloom . . . . .
2. baaqi nahi akber sa pisar kya karoo jikar
mitne ko nahi daag -e- jigar kya karoo jikar
aata nahin ab kuch bhi nazar kya karoo jikar
jata hain yeh mazloom . . . . .
3. hum kho chuke maqtal me behen noore nazar ko
dekha hai inn aankhon ne ujadtey huwe ghar ko
maulat nahi ab fatima zehra ke pisar ko
jata hain yeh mazloom . . . . .
4. kya hoga suno phir yeh batana nahi hoga
jata hoo ke ab laut ke aana nahin hoga
seeney pe sakina ko sulana nahin hoga
jata hain yeh mazloom . . . . .
5. kya zulm sitamgar na dhayenge mere baad
yeh qaima e athaar jalayenge mere baad
yeh meri sakina ko rulayenge mere baad
jata hain yeh mazloom . . . . .
6. tanhaayi meri karti hai abbas ka matam
binaayi sada roti hain akber ka liye gham
mehshar mein batayenge har ek daag jigar hum
jata hain yeh mazloom . . . . .
7. abbas nahin qasim -o- akber bhi nahi hain
veeran hain jhoola mera asghar bhi nahi hain
lashkar ke muqabil mera lashkar bhi nahi hai
jata hain yeh mazloom . . . . .
8. hum hoyenge be aas nahi koi saharey
cheenengey sitamgar rida sar se tumharey
yeh kehke fareed ibne ali ran ko sidharey
jata hain yeh mazloom . . . . .