Ummul baneen maadare abbase zi weqaar
Rehlat pe teri aale mohammed hai ashkbaar
Mazloomiyat pe teri hai sab ke jigar figaar
Sajjad kar rahe hai yahi bain baar baar
Sadme uthaa utha ke jahaa'n se guzar gayi
Peeto sarou ko maadare abbas margayi
Baade batool tu ne sambhala ali ka ghar
Bachou pe fatima ke shafaqat se ki nazar
Kulsoom se rahi nahi ek pal bhi be qabar
Mashghool thi jo qidmat e zainab me sar basar
Wo jaa'n nisaar e zainab e bepar nahi rahi
Wo sogwaar e sibte payambar nahi rahi
Sar par ali ke zaqm laga jiske saamne
Tukde jigar hassan ka huwa jiske saamne
Shabbir se madina chuta jiske saamne
Ghar fatima ka loota gaya jiske saamne
Roti rahi jo fatima ke noore ain par
Jis ne nisar kar diye bete hussain par
Jis dam safar madine se shabbir ne kiya
Bibi ne chaar betou ko bhi sath kar diya
Abbas e naamdaar se phir roke ye kaha
Shabbir ko hisaar me apne rakho sada
Baandho kamar hifazat e sibte rasool par
Aane na paaye dhoop bhi jaan e batool par
Gar koi zaqm aayega jism e rasool par
Mai muh dikha sakoongi na zehra ko ek nazar
Zainab se aur hussain se ghaafil huwe agar
Baqshungi mai na doodh ye sun lo mere pisar
Chidne se pehle mashk ke shaane kataao tum
Gar mashk chid gayi to palat kar na aao tum
Jab karbala se sheh ki sawaari chali gayi
Weeraa'n madina hogaya sughra ujad gayi
Sughra ke paas reh gayi ummul baneen bhi
Beemar e gham ke jeene ki umeed jo na thi
Pesh e nazar jo haq e imaame anaam tha
Ummul banee'n ko qidmat e sughra se kaam tha
Jab lut ke aaya qafila e shaahe tashnakaam
Us waqt ye shabbir se kehne lage imaam
Jaakar madine me ye qabar kar ba ehtemaam
Aaye hai qaidi shaam se chutkar haram tamam
Karbobala me lut gaya sab ghar imaam ka
Sar kat gaya hussain alaihissalaam ka
Jis dam sunaani aake sunayi basheer ne
Cheda dilou ko barchi ne gardan ko teer ne
Girya kiya har ek sagheer o kabeer ne
Pucha ye aake zouj e janabe ameer ne
Jab qatl fatima ke pisar ka huwa bata
Abbas mera zinda tha us waqt kya bata
Rokar basheer kehne laga tab ba shor o shain
Abbas pehle qatl huwe baad me hussain
Kaata hai shimr ne sar e sultaane mashraqain
Loota hai zalimo ne dil e fatima ka chain
Ghazi ke baad lut gaya sab ghar batool ka
Haami koi raha nahi sibte rasool ka
Ummul banee'n ka marsiya is dam padho hassan
Aansoo bahao ankhou se matam karo hassan
Ghar fatima ka lut gaya ro kar kaho hassan
Pursa do maa ko hazrate abbas ka hassan
Ummul banee'n ke gham me sabhi sogwaar hai
Marqad me apne phir se ali beqarar hai