Maula uttho kay Masjid-e-Kufa udaas hai
Kaisa yeh din hai aaj kay duniya udaas hai
Hasnain beyqaraar hai Zainab hai muztarib
Roohey janab-e-Fatema Zehra udaas hai
Mohtaaj-o-beynavaa-o-yateemon kay daadras
Dekho kay har yateem ka chehra udaas hai
Mushkil kusha Ameer-e-Arab peishwaa-e-deen
Tum kya udaas ho kay zamana udaas hai
Lillah Karbala ka tasavoor na kijiyeh
Dariya-e-Alqama ka nazaara udaas hai
Aayi hai saher khoon ki surkhi liye huvey
Khaak udd rahi hai Khaana-e-Kaaba udaas hai
Jibreel ki fughaan hai Ali qatl hogaye
Larzaan zameen hai arsh-e-Moalla udaas hai
Beykal hai kainaath hawaein hai muntashir
Larzaan zameen hai jungle-o-sehra udaas hai
Har simth chha gayi hain Qamar yeh udaasiyaan
Toota hai Baab-e-ilm Madina udaas hai