Bimar Ka Matam Hai Bimar Ka Matam Hai
Mitega Nahi Dil Se Mazloom Ka Ye Gham Hai
Zalim Ne Musibat Ye Mazloom Pe Dhai Hai
Bistar Bhi Jalaya Hai Masnath Bhi Jalayi Hai
Jalta Hai Badan Tapse Sadme Se Kamar Qam Hai
Baqi Nahi Ab Koi Shabbir Ke Lashkar Me
Zainab Hai Rasan Basta Darbar-e-Sitamgar Me
Is Alam-e-Gurbat Me Mohnis Hai Hum Dum Hai
Girya Hai Salasal Bhi Bekas Ki Musibat Par
Zanzeer Bhi Roti Hai Mazloom Ki Halath Par
Ab Abed-emuztar Par Gurbat Ka Ye Alam Hai
Behta Hai Jo Aankhoun Se Shabbir Ki Nusrat Ko
Kafi Hai Yehi Aansu Bas Unhi Shifahath Ko
Ansu Dil-e-zehra Ka Zaqmo Ka Jo Marham Hai
Haq San-e- Zehra Ka Kis Tarha Ada Hoga
Gham Uske Jari Ka Dilse Na Juda Hoga
Rote Huwe Mar-Jaye Hum Log Hi Tho Kam Hai
Har Haal Me Gham Shai Ka Ham Log Manayenge
Matam Ke Nishanoun Se Sine Ko Sajayenge
Parwa Nahi Kuch Hamko Dunya Ye Ho Barham Hai
Zainab Ne Diya Hai Jo Farman-e-Azadari
Dikh-Layenge Dunya Ko Hum Shan-e-Azadari
Ab Dil Hai Azakhana Aur Ankh Bhi Purnam Hai
Masroof Hai Matam Me Shaida-e-ali Asghar
Rehta Hai Sada Lab Par Ya Qasimo Ya Akbar
In Logoun Ke Sar Par Jo Abbas Ka Parcham Hai
Sar Pit-Ti Hai Zehra Bikre Huwe Gesu Hai
Hai Ale Azan Ki Ab Ankho Se Rava Ansu Hai
Sajjad Nazar Lab Par Nouha Yehi Paiham Hai