Chaand sehma sehma sa raat roi roi si
Sharm se jhuki nazre'n aasma pa taaro'n ki
Kaaynat sakte me har taraf hai knamoshi
Sar jhukaa'e hai sehra ashkrez paani bhi
Bekafan hai maqtal me Laash Ibne Zehra ki
Dardnaak ye manzar Umr bhar rulaaega
Rooh kaamp uthegi jab khayaal aaega
Qalbe Zainabe Muztar kaise Chain paaega
Choor Choor zakhmo'n se khu'n me tarbataar Bhai
Bekafan hai maqtal me Laash Ibne Zehra ki
Jisko kitne Naazo'n se Fatima ne Paala tha
Jaane Haidare Safdar Mustafa ka Pyaara tha
Jiske waaste Jannat se Libaas aaya tha
Aaj Uske Tann par hai sirf khaak sehra ki
Bekafan hai maqtal me Laash Ibne Zehra ki
Dhoondti hai Baba ko Sheh ki laadli Dukhtar
Tann me hai jala kurta neel ke nasha'n rukh par
Neend Usko aati thi bas Pidar ke Seene par
Aaj shab Sakina ko neend kaise aaegi
Bekafan hai maqtal me Laash Ibne Zehra ki
Qatl hoga'e waaris munharif zamana hai
Fatima ki Beti ko kitne Gham uthana hai
Daagh Dil pa ye lekar taaba Shaam jaana hai
Qaid Hoke Jaati hai Karbala se Maajaa'ee
Bekafan hai maqtal me Laash Ibne Zehra ki