Dekho to aaj Arshe Mu'alla udaas hai
Kaaba khamosh hai to Madina udaas hai
Sakte me hai Namaz Musalla udaas hai
Hai zalzala zameen ko larzaa'n hai aasmaa
Baba ko Mere chhorh ke aaye ho Tum kahan
Ab apne waaste hai har ek Gham har ek sitam
MainJaanti hu'n ranjo alam me har ek qadam
Poori tarah se hogaye ab to yateem Ham
Nana Hain ab na Baap ka Saaya Hai aur na Maa
Baba ko Mere chhorh ke aaye ho Tum kahan
Andher hai jahaan ujala koi nahi'n
Chhaai wo raat jiska sawera koi nahi'n
Ham Bekason ka poochhne waala koi nahi'n
Ab tang hai zameen to hai door aasmaa
Baba ko Mere chhorh ke aaye ho Tum kahan
Waate Akheer karte the Baba wasiyatein
Khushiaan tamaam hogayin ab hain musibatein
Zainab hai Tere waaste har gaam zehmatein
Har ek qadam pa ab Tujhe dena hai imtihaan
Baba ko Mere chhorh ke aaye ho tum kahan
Barbaad hoga zulm ki aandhi meYe chaman
Zehre dagha se qatl kiya Jaaega Hasan
Ghodo'n se tukde hoega Shabbir ka badan
Beti bandhegi baazuon meTere reesmaa'n
Baba ko Mere chhorh ke aaye ho Tum kahan
Peeto saron ko Apne Ali ki Wafaat hai
Ahsan lahu me doobi huvi kaaenaat hai
Mushkil kusha ke ghar me qayamat ki raat hai
Zainab Hasan Hussain se Karti rahi fughaan
Baba ko Mere chhorh ke aaye ho Tum kahan