Kis shaan se nikli thi Madine se sawaari
Phir aise lutte ham ke na mehmil naa amaari
Bhayya Main tadap kar Tumhe har baar pukaari
Imdad ko Dukhiya ki na Tum aaye Baradar
Abbas suno shaam e gharibaan ki bhi roodaad
Jee bhar ke nahi kar sake hamLaashon pa faryad
Khaime bhi jale ghar bhi luta hogaye barbaad
Thi'n zere sama Bibiya'n be maqna-o chaadar
Har gaam pa mehshar tha har ek lamha qayamat
Zaalim hame har tarha ki dete the azeeyat
Chalne ki na taqat thi na dam lene ki fursat
Hadd ye hai tamashaai bhi barsaate the patthar
Darbaar me zaalim ke qayamat ka tha manzar
Thi zoujaye hakim pas-e parda Main Khule sar
Sar sharm se Zainab ka na uthta tha baradar
Le le ke Mera naam rulaate the sitamgar
Chhaya huwa nazron me hai zinda'n ka andhera
Yaad aata hai reh reh ke wo bachchi ka tadapna
Thi dil me Sakina ke rihaai ki tamanna
Mar kar bhi Rahi qaid me Shabbir ki Dukhtar
Har gaam pa durre jo lagaate the sitamgaar
Kis yaas se karte the nazar Abid-e Bimaar
Sun paaoge kya aur masaa'eb MereGhamkhwaar
Main Aayi hu'n durro'n ke nasha'n pusht pa Lekar
Manzaar ye baya'n karti thi jab Knwahar-e Hussain
Ghaazi ki Sada aayi na Shehzaadi karo bain
Hoti hai aziyat Mujhe hu'n qabr me bechain
Dil phat'ta hai Khadim ka fugha'n Aap ki sunkar