ZAINAB KE LABON PAR THA NAUHA – AYE MERE BARADER AAJAO
AAJAO SHABIHE SHER-E-KHUDA – AYE MERE BARADER AAJAO
Farzand-e-Nabi ghode se gira, Hilti hai zameen-e-karbobala
Ab koi nahi Abid ke siwa
Aajao Shabihe Shere Khuda, Aye mere baradar aajao
Hai zaqm hazaron ek tan mein, Hai zeen-o-zameen khali ran mein
Teeron pa mulaaq hai lasha
Aajao Shabihe Shere Khuda, Aye mere baradar aajao
Qasim bhi nahi Asghar bhi nahi, Saya bhi nahi hai ghar bhi nahi
Masnad bhi jali jhula bhi jala
Aajao Shabihe Shere Khuda, Aye mere baradar aajao
Garmi se jhulaste hain bache, Khaimon mein bhadakte hain shole
Hai unke labon par walaila
Aajao Shabihe Shere Khuda, Aye mere baradar aajao
Furqat mein teri nazon ki pali, Masoom Sakina hai roti
Gouhar bhi chine kurta bhi jala
Aajao Shabihe Shere Khuda, Aye mere baradar aajao
Sarwar bhi nahi Akber bhi nahi, Ab sar pa mere chadar bhi nahi
Be parda khadi hai Aale aba
Aajao Shabihe Shere Khuda, Aye mere baradar aajao
Be parda khadi hai teri bahen, Bazu mein bandhi hai uske rasan
Bewon ko satate hai aada
Aajao Shabihe Shere Khuda, Aye mere baradar aajao
Begour-o-kafan reti pe pade, Mazhar the gharebon ke lashe
Zainab ke labon par thi ye sada
Aajao Shabihe Shere Khuda, Aye mere baradar aajao