Shabbir ko sar dekar islam bachaana hai
Kounain hai qadmo'n pa rethi pa thikaana hai
akbar pa nazar daalo qasim ki taraf dekho
marne ke iraade hai jeene ka zamana hai
shabbir ke hatho ka bosa to koi lele
nanhe se mujaahid ko maidaan me laana hai
dekha hi abhi kya hai dunya ki nigaaho ne
rakh kar abhi haatho par dil apna dikhaana hai
Kousar ke ye maalik hai paani ki talab kaisi
soi hui millat ki gheerat ko jagaana hai
ummat ki mohabbat me bacho ko fida karke
dunyaa-e-mohabbat ka qanoon banaana hai
ye kis ne jhukaaya hai sar taa'ate qaaliq me
kya sar hai ke sajde se qaatil ko uthaana hai
ahmad ka nawasa hai meraaj bhi paayega
naize ki bulandi se quraan sunaana hai
lafzo'n se hukoomat ki bunyaad hilaani hai
sajjad ko zaalim ke darbaar me jaana hai
Ab apne ghulaamo se shabbir ka pursa lei'n
Ae saahebe gham aaja ek din tujhe aana hai
islaam ko deni hai har saal hayaate nao
kya toone kaha ghaafil ye zikr puraana hai