Tar Aankh is azeem musibat pa hoti hai
Phir sar patak ke kaabe ki deewar Rothi hai
Daaman lahu meMasjid e Kufa bhigoti hai
Phir kaaenaat ashko'n ke moti piRothi hai
Sajde me Tegh khake tadapte hain Murtuza
Moula Sar-e Shigaafta thaame tadapte hain
Apne Lahu se Sajde ki taareekh likhte hain
Hasnain Sar pa Baba ke roomaal kaste hain
Phir bhi Lahu ke gatre musalsil tapakte hain
Sajde me Tegh khake tadapte hain Murtuza
Masjid me phir to rone ka har simt ghul utha
Mushkil Kusha ne Hazrat-e Shabbar se ye Kaha
Ghar jald le chalo Mujhe ab deke aasra
Ghar se kahin nikal na pare Bint e Fatima
Sajde me Tegh khake tadapte hain Murtuza
Kehne lage ye dukhtar e Zehra se Murtuza
Tujh par musibaton ka hai ab taaza silsila
Tukre jigar ke ugle ga mazloom Mujtaba
Beti katte ga sajde me Shabbir ka gala
Sajde me Tegh khake tadapte hain Murtuza
Zainab banegi deen ki baqa kit u aasra
Har gaam par dikhana hai meyaar sabr ka
Darbaar e aam me tujhe jaana hai be rida
Zehra ki beti sunti hai roodaad e karbala
Sajde me Tegh khake tadapte hain Murtuza
Abbas ko bula ke gale se laga liya
Kehne lage na rowo Pidar Tujh pa ho fida
Tujh par bada bharosa hai aye MereDilruba
Tu Karbala me hoga muhafiz Hussain Ka
Sajde me Tegh khake tadapte hain Murtuza
Kufe ke bekaso'n pa tha ye Gham bada shadeed
Baitu sharaf pa aaye liye aarzoo e deed
Har simt phir to rone ka ek ghul utha Rasheed
Allah ke maheene meMoula Huwe Shaheed
Sajde me Tegh khake tadapte hain Murtuza