QASIM BANE KA LASHA SHABBIR LA RAHE HAIN
THAME HUWE JIGAR KO AANSOO BAHA RAHE HAIN
Karbobala ke ban mein ye aqd tha anokha
Qasim chale hain run ko sar par sajaye sehra
Akber ko tak rahi hai hasrat se Umm-e-Farwa
Taza dulhan ko kitne gham khaye jarahe hain
Dekhti hai kab kisi ne dunya mein aisi shadi
The teen ke pyase shadi ke sab barati
Shadi ke ghar mein haye chaye hai kya udasi
Lamhon ki ek dulhan ko bewa bana rahe hain
Qasim ki lash par jab pohunche hain shah run mein
Bikhra pada tha dulha karbobala ke ban mein
Thi is qadar judai Qasim ke tan badan mein
Apni aba mein Sarwar tukde utha rahe hain
Shadi ke ghar mein matam kitna ajab samaa’n hai
Sadme se bewagi ke dulhan bhi neem jaa’n hai
Ankhon se ashk bankar khoone jigar rawaa’n hai
Thamte nahi hain aansu gham bardteja raha hain
Allah kya qayamat karbal ke ban mein aaye
Dulha dulhan mein ya rab kaise hai ye judaye
Gham kaunsa hai jisko Kubra nahi uthaye
Dulhan banane wale bewa bana rahe hain
Wo zulm ki fazayein badla huwa zamana
Binte Hussain aur wo tareek qaid khana
Bankar gham-o-alam ka ale nabi nishana
Zindaa’n mein aansowon ki shamain jala rahe hain
Kya ho bayan Sohail ab Kubra ki bekasi ka
Ye silsila hai goya rudaad tishnagi ka
Sadiyon se kam nahi tha har lamha zindagi ka
Ye matami jo apne khoo’n mein baha rahe hai