HAI AHLE HARAM MEIN SHOR BAPA QASIM KA JANAZA AATA HAI
BEWA HUI KUBRA WAWAILA QASIM KA JANAZA AATA HAI
MAIDAAN MEIN GAYA WO JUNG KIYA LAAKHO SE LADA AUR ZAKHMI HUA, GHODE SE GIRA PAMAAL HUA QASIM KA JANAZA AATA HAI
HAATHON MEIN RACHAYI THI MEHENDI WO MEHENDI UTAR NA PAYI ABHI , BIKHRA ARMAANO KA SEHRA QASIM KA JANAZA AATA HAI
ZEHRA KE GHARANE KI SHAADI DUNIYA SE NIRALEE SHAADI THI, PYAASI THI DULHAN PYAASA DULHA QASIM KA JANAZA AATA HAI
SHABBIR KI BETI RAAND HUI SHABBAR KA DULARA QATAL HUA, DONOU HI TARAF MEHSHAR HAI BAPA QASIM KA JANAZA AATA HAI
DULHAN NE SUNA JO MAA KA SUQAN PAMAAL HUA HAI IBNE HASAN , SHAQ HOGAYA DIL EK TEER CHALA QASIM KA JANAZA AATA HAI
BABA NA RAHENGE AUR NA CHACHA WAALI BHI HUA AB MUJHSE JUDA, AB KYA KARE KUBRA JI KE BHALA QASIM KA JANAZA AATA HAI
POUNCHEY JO SHAHE DEEN LAASHE PAR FARMANE LAGE YE RORO KAR , SHARMINDA HAI TUJHSE TERA CHACHA QASIM KA JANAZA AATA HAI
KAISA HAI QAYAMAT KA MANZAR SHABBIR LITA KAR CHADAR MEIN, LAATE HAIN JANAZA QASIM KA QASIM KA JANAZA AATA HAI
THA MOOSAVI YE KUBRA KA BAYAAN AB HONGEY SITAM PHIR HUM PA YAHA, BADHENGE RASAN CHEENENGE RIDA QASIM KA JANAZA AATA HAI..