Qasim ko jab Hussain ne dulha banadiya
Qasim ko jab Hussain ne dulha banadiya , dulha banadiya
Phoolo ne khilke maa ki tamanna banadiya
1) Wo Qaima-e-uroos ka manzar bhi tha ajeeb , Tashnalabi thi paani waha'n kab hua naseeb , Shaadi ki jaa pe jamma hue aake sab gareeb , Farwa ne apne laal ko dulha banadiya , dulha..................!
Qasim ko jab Hussain ne dulha.........!
2) Kaisa ye biyah hota hai aywaan-e shah me , Pyaase barati dulha dulhan Qaima gaah me , Dulha dulhan ku rakhna tu apni panah me , Manzar ajab nigaho me phirta hai hashr ka , phirta.........!
Qasim ko jab Hussain ne dulha.........!
3) Aayi sakina Qaima e Qasim ke muttasil , Phaila ke haath kehti hai bhayya gale tou mil , Howe yeh biyaah tumko mubarak ba jano dil , Baahei'n gale me daal ke Madar ne li bala , Madar ne.....!
Qasim ko jab Hussain ne dulha........!
Ibne Hasan , ay seeme tan , Gul pairahan , Zakhmi badan
Kubra bani bewa dulhan , ghuncha dahan , ibne hasan
4) Ruqsat hua jo Qaime se moula Hasan ka laal , Maa ne balayei'n leke kaha jao khush jamaal , Zinda na run aayio ay mere noune haal , Pamaal hoke aaya hai nousha e Karbala , nousha..........!
Qasim ko jab Hussain ne dulha......!
5) Baade rajas jo tegh nikali neyaam se , Utthi sadaye Marhaba fauje Imam se , Jo kaampte the Arzakhe shaami ke naam se , Qasim ne us layeen ka naksha mita diya , naksha..........!
Qasim ko jab Hussain ne dulha......!
6) Ibne Hasan ka jazba e nusrat tou dekhiye , Yeh Hashmi gharane ki jurrat tou dekhiye , Hamle kiye wo chaa gayi haibat tou dekhiye , Abbas badke kehne lage waah marhaba , waah............!
Qasim ko jab Hussain ne dulha......!
7) Awaaz di ke aao madad ko meri chacha , Doude Hussain Akbar o Abbase bawafa , Lashkar palat ke janibe ibne Hasan badha , Shabbar ka laal ghoodo se pamaal hogaya , pamaal....!
Qasim ko jab Hussain ne dulha......!
8) Laaye jo shaah lashaye nousha e karbala , Masnad pe laake shaah ne laashe ko rakhdiya , Hyder batau kaise jo kubra ka haal tha , Shaadi ka ghar jo tha wahi matam sara bana , matam...!