RABAAB KEHTI THI ROKAR MERI SAKINA JAAN, YE NEEND KAISI HAI DILBAR MERI SAKINA JAAN
UJAD GAYI MERI GODI BICCHAD GAYA ASGHAR, JIGAR PE KHA KE SINA CHAL BASA ALI AKBAR, GUZAR GAYA MERA WALI KOI NAHIN SAR PAR, JEYEGI KAISE YE MAADAR MERI SAKINA JAAN
MILA NA BAAP KA SINA TUMHE MERI BACCHI, NA TUM KO BAAD-E-PIDAR NEEND AA SAKI BIBI, PHATA HUA TERA KURTA WO JIS MEIN AAG LAGI, HAI YE NIGAAHON MEIN MANZAR MERI SAKINA JAAN
WO QAID E SHAAM KI TAREEKI WO TUMHARI FUGHAAN, YAHAN TOH GHUT TA HAI DAM MERA AAO BABA JAAN, MADAD KO LAIYE MERI CHACHA GAYE HAIN KAHAN, PIDAR KA AAGAYA AB SAR MERI SAKINA JAAN
LAHOO BHARA HUA KURTA BANA TUMHARA KAFAN, WO TERE NEELGOON RUKHSAAR AUR GALE MEIN RASAN, NA ITNE SIN MEIN SAHA KOI AYESE RANJ-O-MAHAN, HAI SHARM SAAR YE MAADAR MERI SAKINA JAAN
SOHAIL SUN KE YE ROTE THE SAARE AHLEHARAM, RABAB KARTI THI NOUHA JO DAM BADAM PAIHAM, NA TUJHKO CHHOD KE JAONGI MERI JAAN IS DAM, JO TUM CHALOGI NA AB GHAR MERI SAKINA JAAN..