QABR-E-ZEHRA PA YE KEHNE LAGI ROKAR ZAINAB
Tha mera laadla Akber jo muradon wala
Uske seene pa layenon ne hai naiza maara
Dekhti reh gaye Akber ko tadap kar Zainab
Aaye hai apne bhare ghar ko luta kar Zainab
Mera Qasim nahi ab Aon-o-Mohammed bhi nahi
Bazu Abbas ke darya pa kahin lash kahin
Dagh-e-gham leke yahan aaye hai dil par Zainab
Aaye hai apne bhare ghar ko luta kar Zainab
Che(6) mahine ka mujahed Ali Asghar pyasa
Chid gaya khusk gala teer gale par jo laga
Yaad karti hai ose ashk baha kar Zainab
Aaye hai apne bhare ghar ko luta kar Zainab
Asr-e-ashoor qayamat hi kuch aise aaye
Mera bhaye tahe khanjar tha badi ghurbat thi
Kaise bhulegi bhala hashr ke manzar Zainab
Aaye hai apne bhare ghar ko luta kar Zainab
Har qadam aik museebat pa museebat chaye
Kufa-o-sham ke darbar se hokar aaye
Gaye bazaron mein be maqna-o-chadar Zainab
Aaye hai apne bhare ghar ko luta kar Zainab
Taqte shahi pe to baitha tha layee’n wawaila
Sathsau(700) kursi nasheen bhi the wahin wawaila
Dekh kar roti thi majaye ka jab sar Zainab
Aaye hai apne bhare ghar ko luta kar Zainab
Sar-e-darbar rasan basta khade the hum sab
Chadaren sar pa na thi zaqm laga dil pe ajab
Apne balon se gaye muh ko chupa kar Zainab
Aaye hai apne bhare ghar ko luta kar Zainab
Mere khatbon ne kiya hashr ka samaa’n barpa
Muh chupaye jo layeen khud ka wahin baitha tha
Misl baba ke main goya thi ghazanfar Zainab
Aaye hai apne bhare ghar ko luta kar Zainab
Shimr ne pyasi Sakina ko tamache maare
The yatemon pe bade zulm-o-sitam ke saaye
Aaye hai sham ke zindaan mein kho kar Zainab
Aaye hai apne bhare ghar ko luta kar Zainab
Haye jo goor-e-gharebaan ka mujawer tha ose
Touq-o-Zanjeer mein jagda tha layeenon ne jise
Laye hai sath faqat us ko bacha kar Zainab
Aaye hai apne bhare ghar ko luta kar Zainab
Sath mein Fatema Zehra ke chali aaye hain Aur wahin apne bhare ghar ko yahan laaye hain
Majlise Shah mein Qasim hai jo ghar ghar Zainab
Aaye hai apne bhare ghar ko luta kar Zainab