MERE ABBAS UTHO
BOLI ZAINAB MERE BHAYYA MERI RUDAAD SUNO – MERE ABBAS UTHO
QAID SE HOKE REHA AAYI HAI ZAINAB DEKHO – MERE ABBAS UTHO
Darbadar kuchao baazar mein jana hi pada - Zulm sehna hi pada
Muqtasar ye meri roodad-e-safar hai sunlo - Mere Abbas utho
Baad-e-Ashoor huwe roz nayi hum pe jafa - Chhin gayi sar se rida
Waqiya sham ke darbar ka mujhse sunlo - Mere Abbas utho
Mere shano pa hai ubhre huwe rassi ke nashaa’n - Neel abtak hai ayan
Mere Bhaiya meri kya hogayi haalat dekho - Mere Abbas utho
Marte dum tak meri bacchi ne tamache khaye - Kyun nahi tum aye
Yaad karti rahi har waqt sakina tumko - Mere Abbas utho
Kis tarah se mai suna paungi haalat-e-safar - Gham se phhat-ta hai jigar
Jaake amma ki lahad par mai kahun kya bolo - Mere Abbas utho
Qabr par maa ki amaanath mujhe pohonchana hai - Ab watan jana hai
Jarahi hoon mai watan ko koi paigham to do - Mere Abbas utho
Qabr-e-Abbas pa Zainab yahi kehti thi Nazar - Hogaye hum beghar
Ku-ba-ku roz phiraate rahe aada humko - Mere Abbas utho