ibn-e raza bhi saalike raahe raza rahaa
sajjada-e rasool pe shaghle dua rahaa
har ranj me zabaan pa shukr-e khuda rahaa
ginti ke dostdaar the dushman hazaarhaa
badh khwaah kitne is qamar-e murtuza ke the
tha ek chiraagh sainkdo jhonke hawa ke the
kya haal ho razaa ke jigar band ka bayaa'n
pyaara tha murtuza ka wo sultan-e ins-o jaa'n
moujiz numa imaam-e zama'n haadiye jahaa'n
aise wali ke dar paye eezaa the badh-gumaa'n
souz-e alam se dil me the chaale pade huwe
the rashke gul ko jaan ke laale pade huwe
laanath quda ki motasim e naabekaar par
bheja payaam chodiye ghar aayiye udhar
darpesh aah phir huwa baghdaad ka safar par is safar ne manzil-e aaqir ki di qabar
mazloom ka ye kooch watan se aqeer tha
mushtaaq-e kanj qabr ka wo goshageer tha
hamraah umme fazl bhi thi moride azaab
yasrab se jaane ki thi qushi isko be hisaab
uska chacha tha motasim-e qaanumaa’n qaraab
baghdaad me pahonch gaye shaah-e falak janaab
touqeer zaaheri to bahut bewafaa ne ki par fikr-e qatl-e shaah is ahl-e jafaa ne ki
baghdaad me muqeem rahe saal bhar huzoor
naari ye chaahta tha ke gul ho charaagh-e noor
waaqif tha umme fazl ki haalat se pur futoor
rakhti thi bughz rahbar-e aalam se be shaoor
zaalim ke mashvare se wo qarsand hogayi
kehne pe motasim ke raza mand hogayi
ye be murawwati ye sitam ye ghazab ye qahar
wo bekasi imaam ki wo door apna shaher
dekhe to ahle dil qalash e qaar baagh-e dahar
angoor raazaqi me diya faaqakash ko zehar
li karwate'n ali-o wali ko pukaar ke
eezaa-e paak sooj gaye dil figaar ke
rone lagi wo dekh ke hazrat ka haal-e zaar
farmaaya aap ne ke abas hai to ashkbaar
is aarze se degaa sazaa tujhko kirdegaar
jis ka koi ilaaj nahi aye jafaa shiyaar
deti jawaab kya sar-e mal'oona jhuk gaya
dam shaahe dee'n ka zaher ke sadmou se ruk gaya
takleef payi chand shab-o roz jaa'n gasal
taasir-e sam se aag thi seene me mushta'al
wo karb wo jigar ki haraarat wo dard-e dil
hota gaya rasool ka dildaar muzmahil
haakim ne ki madad na tawajjo tabeeb ne
aaqir safar kiya suwe jannat ghareeb ne
kumbhla ke rehgaya gule tar buturaab ka
murjhaya nounehaal risaalat ma'aab ka
dekha jawaane marg ne rang inqilaab ka
wo maut bekasi ki wo mausam shabaab ka
kyu peer e charq jaaye taa saf hai ya nahi
kamsin imaamo'n me koi aisa huwa nahi
anjaam is tarha bhi kitaabo'n me hai raqam
shiyo'n ne aap ke jo suna ye naya sitam
rote huwe gaye sar-e tasleem karke qam
mayyat ko behre ghusl uthaya ba chashme nam
seeno'n ko apne qasta jigar peetne lage
amaame phaink phaink ke sar peetne lage
nahlaaya is musaafir-e daarus salaam ko
bhar aaye dil kafan jo pinhaaya imaam ko
taaboot me litaake shah-e qaas-o aam ko
pursa diya ali ko rasool-e anaam ko
naale tawaaf karte the arshe majeed ka
maatam kiya uthaake janaaza shaheed ka
jis jaa thi qabr moosiye kaazim falak weqaar
pehlu me is lahad ke quda doosra mazaar
posheeda zer-e qaak huwa noor-e kirdegaar
hasrat pukaar ti thi ke is shaan ke nisaar
taaqeere dafn se bhi sharaf aashkaar hai
ye waaris-e hussain ghareeb ud dayaar hai