Karbala Ke Ban Mei Kaisi Hai Maizbani
Band Aale Mustafa Par Hai Teen Din Se Pani
Qasim Guzar Gaya Hai Pamal Hoke Ran Mei
Karti Hai Roke Dulhan Din Raat Nouha Khaani
Datay Hain Sare Bachey Rokar Tumhe Sadayein
Abbas Lakey Aao Darya Se Jald Pani
Bazoo Katay Jo Ran Main Abbas-e-bawafa Ke
Sheh Ne Kaha Kategi Ab Kaise Zindagani
Kahte The Shah Rokar Aye Laal Mere Rukja
Surat Mei Teri Mere Nana Ki Hai Nishani
Nazron Na Ruksakega Shabbir Ka Jahan Mei
Milti Hai Qhaak Mei Ab Akber Ki Naujawani
Zalim Ne Teer Mara Besheer Ke Gale Par
Laye The Shahewala Ran Mei Pilane Paani
Matam Na Ruksakega Shabbir Ka Jahan Mei
Jabtak Hai Tan Mei Hyder Khoon Ki Yahan Rawani