BARBAAD HUWA HAYE MOHAMMED KA GHARANA
Zakhmi huwa Humshakl-e-Payambar ka kaleja
Seene mein tha atthara(18) baras wale ke naiza
Jab mar gaya Laila ka pisar mannato wala
Shabbir ne rote huwe bachcho ko pukara
Maidan ko phir Aun-o-Mohammed bhi sidhare
Sarwar pa fida hogaye Zainab ke dulare
Qaimo mein junhi aagaye do betaun ke laashe
Lasho’n ke qaree’n Zainab-e-Muztar ka wo sajda
Shadi huwe kuch der ki dulhan bani kubra
Phir Qasim-e-Naushah bhi maqtal ko sidhara
Shabbir ne kis dil se khuda jaane hai dekha
Maidan me bikhra huwa Shabbar ka kaleja
Abbas ke shaane kate tha Zakhmi sarapa
Mashkiza chhida sar pa laga gurz-e-sitam ka
Ghode se gira kaise khuda jane wo pyasa
Shabbir kamar thame huwe padhte the nauha
Chhe (6) maah ke Asgher ke gale par jo laga teer
Us nanhe se laashe ko liye rote the Shabbir
Bechain dar-e-qaima pe the Bano-e-dilgeer
Shai sonchte the ghamzada maadar se kahe kya
Jab Fatema ka laal huwa dasht mein tanha
Mazloom pa hone laga har simt se hamla
Talwaar kabhi teer to pathar kabhi naiza
Ghode pa laga jhoomne Ahmed ka nawasa
Zakhmi huwa ghode se gira Dilbar-e-Hyder
Chillati rahi peet ke sar Zainab-e-Muztar
Aur Sibt-e-Payambar ke gale par chala khanjar
Faryaad kuna dasht mein thi Fatima Zehra
Aye Saqi-e-Kausar ke pisar dilbar-e-Zehra
Marooza Rasheed apse karta hai ye aqa
Hum sab ko dikha dijiye jald apka roza
Karlije qubool ap ye na cheez ka nauha