Balaa uthake haram karbala me aate hai
Mareez shaam ke daarushifa me aate hai
Ajeeb shikwe se dashte bala me aate hai
Ghame hussain me yaade quda me aate hai
Jigar ke tukde bhare damanou me aaye hai
Yeh qabr e sheh pe chadhane ko phool laaye hai
Bukhar me hai raqam yeh riwayat e jaa'n kaah
Jab aaye ehle haram janibe shahadath gaah
Naa gul na shamma mili bekasou ki qabr pe aah
Mujaveri ko faqat jaaber ibne abdullah
Qureshi aaye hai aur hashmi bhi hazir hai
Musaferou ke mujaver bhi sab masafir hai
Do shamiyaane hai baalaye qabre sibte rasool
Woh ek toh rehmate haq ek dard e aahe batool
Falak se hur o malak ka hai fouj, fouje nuzool
Ziyarate shahe mazloom kar rahe hai husool
Lahad se akbar o asghar ke daagh roushan hai
Mazaar ek hai par do charagh roushan hai
Labe furaat hai saqqa ki qabre aali jaa
Jo woh hai shahr shaheedo ka to yeh shehre panah
Khareeb dur se hai zairo'n ki haafeze raah
Mujaviri ko lahad par hai roohe sher ilaah
Lahad me haye sakina ka shor hota hai
Sakina kehti hai saqqa humara rota hai
Udhar aya'n huvi bus zainab khasta qisaal
Idhar lahad me tadap ne laga rasool ka laal
Nida mazar se jaaber ko di ba ranjo malaal
Mai jeeta hota toh karta bahen ka isteqbaal
Sharaf hai fatima ka fatima ki jayi ko
Meri taraf se tu jaa uski peshwayi ko
Chala ma'ara faqa jaaber e qasta nehaad
Sare hussain liye hathou par male sajjad
Khadam par gir padha jaaber ba nalao faryaad
Pukari abide bekas ko zainab e nashaad
Gale lagalo mohibbe nabi ye jaaber hai
Ye turbat e shahe mazloom ka mujavir hai
Gale laga liya jaaber ko shaahe wala ne
Gale pa neel rasan ke dikhaaye aaqa ne
Kaha ke loot liya bhaai hum ko aada ne
Jo hum pa hogaya hum jaane ya quda jaane
Sare hussain badi mehnatou se laaya hu
Dobaara baap ko mai dafn karne aaya hu
Mohibbe peetne ki jaa hai aaho wawaila
Gharaz daroode haram qabre shaahe dee'n pa huwa
Qanaat rok ke aabid waha rahe tanha
Khade huwe the bagirde qanaat aale aba
Wahaa shigaafta aijaaz se mazaar huwa
Zamee'n ke parde se qursheed aashkaar huwa
Tane hussain se mu'allaq kiya hussain ka sar
Huwa zameen me goya quraane shamso qamar
Lahad pa taqt kaloobi qareena se rakh kar
Pukaare abid e bekas mohibbo aao idhar
Suno ba gosh ke is dam rasool rote hai
Dobara dafn mere baba jaan hote hai
Ye kehke rone lage haye abide beemar
Mazaar shaahe gareeba jo ho chuka taiyyar
Sarhane baith ke sab fateha padhe ek baar
Gharaz ke qaima e jaaber me aaye sab deen daar
Haram ne qabr pe samane ashke waah kiya
Sare mazaar bapa qaimaye siyaah kiya
Siyaah qaime me utre siyaah posh haram
Tawafe qabr kiya halqa baandh kar baaham
Sabho'n ne qabr ko baalou se jhada jab usdam
Laraz laraz gayi sadme se qabr e shaahe umam
Lahad pa sheh ki masnad bichayi zainab ne
Salaam ke liye gardan jhukayi zainab ne
Phupi ke saath sakina ne bhi kiya mujraa
Kaha batao toh bibi mujhe baraye khuda
Mazaar par jo bichayi hai masnade zeba
Nikal ke qabr se baithi ke kya mere baba
Kaha phupi ne tera puchna rulata hai
Bhala yu qabr me bhi jake koi aata hai
Lipat ke qabr se awaaz di dohayi hai
Ek arbaee'n se bahen bhai me judai hai
Hussain bhai bahen ki bhuki piyasi aati hai
Umeed ware ziyafat yeh amma jayi hai
Na farsh hai naa makaa'n hai na dana payi hai
Saqi ke laal yahi meri meh maani hai
Nikalo hath lahad se gale lagalo mujhe
Watan naa jaungi mai qabr me bulalo mujhe
Barehna sar hu ba zere kafan chupalo mujhe
Aqi bala me giraftar hu nikalo mujhe
Tumhe sakina ki khatir se ro nahi sakti
Yateem parwari ab mujh se ho nahi sakti
suno hussain suno tum se mere sawaal hai do
Jo bhej te ho watan ko toh tum bhi sath chalo
Nahi toh zere qadam apne aye shahe khush qu
Zameene qaake shifa ek lahad ki khatir do
Lahad ke saye me mera yahi thikana ho
Tumhari payenti ho aur mera sarhana ho