AYE MERE NAAZO KE PAALE AKBAR
PEET KAR SAR KO YE ZAINAB NE KAHA
KITNE ARMAANO SE MAINE BETA, TUJHKO ATTHARA BARAS THA PAALA, DEKHO KYA HAAL HUA HAIN MERA, PEET KAR SAR KO YE ZAINAB NE KAHA
TOOTI HUM PAR YE MUSIBAT KAISI, KHOON MEIN DOOBI HUI YE LAASH TERI, HAYE YE ZAKHM TERE SEENA KA, PEET KAR SAR KO YE ZAINAB NE KAHA
HICHKIYAAN LENA TERA RUK RUK KAR, RAN MEIN ANGHDAYEE TUMHARI DILBAR, NA BHULA PAAYEGA TERA BABA, PEET KAR SAR KO YE ZAINAB NE KAHA
HAYE YE CHAAND SA CHEHRA TERA, MILGAYA KHAAK MEIN KYUN KAR BETA, YE TERE SEENE PA PHAL BARCHI KA, PEET KAR SAR KO YE ZAINAB NE KAHA
UTHO HUM SHAKAL-E-PAYAMBAR UTHO, KYUN HO KHAMOSH KOI BAAT KARO, KIS LIYE HOGAYE TUM MUJHSE KHAFA, PEET KAR SAR KO YE ZAINAB NE KAHA
HAYE ZAKHMI YE KALEJA TERA, PAAS UMMAT KE NABI KA NA KIYA, AJR YEH KHOOB RISAALAT KA DIYA, PEET KAR SAR KO YE ZAINAB NE KAHA
MAA KE SEENE SE YE UTH TE SHOLAY, DIL HAIN EK AAG KA DARIYA JAISE, KHOON AALOOD YE MAQTAL KI FIZA, PEET KAR SAR KO YE ZAINAB NE KAHA
’UMME LAILA HAIN KALEJA THAAME, TUKDE TUKDE HUE ARMAAN SAARE, KYA KARE JAYE KAHA WO DUKHIYA, PEET KAR SAR KO YE ZAINAB NE KAHA
HAI TAQDEER KAHAN LE AYEE, HAR TARAF GHAM KI GHATA HAI CHAYI, BAD GAYI HAD SE LAYEENO KI JAFA, PEET KAR SAR KO YE ZAINAB NE KAHA
MAINE KHURBAAN KIYE DO BETE, TAAKE TUM PAR NA KABHI AANCH AAYE, SADMA TAAZA YE MUJHE KAISA DIYA, PEET KAR SAR KO YE ZAINAB NE KAHA
JAB TALAK BAQI RAHEGI DUNIYA, HOGA MATAM TERA HAR GHAR MEIN BAPA, NAAM GOONJEGA AZAANO MEIN TERA, PEET KAR SAR KO YE ZAINAB NE KAHA
JAB MAIN JAOONGI WATAN KO BETA, KYA KAHOON PUCHE JO MUJHSE SUGHRA, LAUT KAR KYUN NAHI AAYE BHAIYYA, PEET KAR SAR KO YE ZAINAB NE KAHA
BHOOL SAKTI NAHI ZAINAB WO SAMAAN, AAYI THI KHAIME MEIN JAB LAASHE JAWAAN, THI SOHAIL EK QAYAMAT BARPA, PEET KAR SAR KO YE ZAINAB NE KAHA