AYE SHAAM-E-GAREEBAAN
BE GOORO KAFAN RAN MEIN HAI SHABBIR KA LASHA
ZEHRA KE JIGAR BAND KA SAR HAI SAR-E-NAIZA
MAZLOOM KE LASHE PE JAFAKAAR DARINDE DAUDATE HAIN GHOODE, PAMAALE SITAM HOTA HAI AHMED KANAWASA AYE SHAAM-E-GAREEBAAN
RONE KI SADA AATI HAI MAQTAL KI FIZA SE AUR ARZO SAMA SE, SHABBIR KE LASHE PE FUGHAAN KARTI HAI ZEHRA AYE SHAAM-E-GAREEBAAN
BALWE ME KHULE SAR HAI KHADI DUKHTAR E HAIDER SAB AALE PAYAMBER, SEHTI HAI SITAM RANJ O ALAM SAANIYE ZEHRA AYE SHAAM-E-GAREEBAAN
SHERANE ALI LADTE HUE FAUJ E JAFA SE MAARE GAYE PYAASE, AUR QAID MEIN SAHIL KE TADAPTA RAHA DARIYA AYE SHAAM-E-GAREEBAAN
BAAZO BHI KATE MASHQ CHIDI MARGAYA SAQA PYAASI HAI SAKINA, GHAZI KA BADAN KAANP RAHA HAI LABE DARIYA AYE SHAAM-E-GAREEBAAN
IS HAAL ME BHI SHUKRE KHUDA LAB PA HAI PAIHAM LARZA HAI DO AALAM, JALTI HUI RETI PA WO BEEMAR KA SAJDA AYE SHAAM-E-GAREEBAAN
MARKER BHI SUKOON PA NA SAKA QABAR ME ASGHAR BANO KA DILBAR, TURBAT SE NIKALA GAYA MASOOM KA LAASHA AYE SHAAM-E-GAREEBAAN
ASBAAB LUTA JATA HAI AUR JALTE HAI QAIME HAR SIMT HAI SHOLAY, QAIDIYE SITAM HOTA SHABBIR KA KUNBA AYE SHAAM-E-GAREEBAAN
BE GOAR HAI MAIDAN MEIN BIKHRE HUE LAASHE SAB AHLE WAFA KE, MAQTAL KI FIZA KARTI HAI MAZLOOMO PA GRIYA AYE SHAAM-E-GAREEBAAN
AHSAAN SHAHEEDO KE HAI BHUDHE HO KE KAMSEEN HAI DEEN KE MOHSIN, KAABE KE NIGHEBAANO KA GHAR LUT GAYA SARA AYE SHAAM-E-GAREEBAAN
PAMAAL HUA RAN MEIN UDHAR QASIM E MUZTAR LAQTE DIL E SHABBAR, BEWA HUI EK SHAB KI DULHAN FATIMA KUBRA AYE SHAAM-E-GAREEBAAN
LIPTA HUA SHOLON SE HAI BEEMAR KA BISTAR GHASH ABID E MUZTAR, MAA DEKHTI HAI JALTA HAI BESHEER KA JHOOLA AYE SHAAM-E-GAREEBAAN
HAR DAUR MEIN MATAM SHEH E BEKAS KA HUA HAI ROKE NA ROKA HAI, AWAAZ HAI MAZLOOM KI JAWEED KA NAUHA HAI AYE SHAAM-E-GAREEBAAN