BABA SALAAM LO MERE BABA SALAAM LO, SUGRA NE KHAT MEIN SHAH KO LIKHA SALAAM LO, JABSE GAYE HO KHANA-E-KABA UDAAS HAI, DADI KA NANA JAAN KA ROUZA UDAAS HAI, VEERAAN HO CHUKA HAI MADINA SALAAM LO, AB HAAL GHAM SE GHAIR HAI MERA SALAAM LO
HUMRAAH SUB KO LEGAYE SHAHENSHE-E-ZAMAN, MERA QUSOOR KYA HAI BATAO TO BABA JAAN, TANHA WATAN MEIN REH GAYI SUGRA SALAAM LO, AB HAAL GHAM SE GHAIR HAI MERA SALAAM LO
TUM SE BICHHAD KE RAHOON ZINDAGI TAMAAM, TANHAYI KA MEIN KARB SAHOON ZINDAGI TAMAAM , QISMAT MEIN THA MERI YAHI LIKHA SALAAM LO, AB HAAL GHAM SE GHAIR HAI MERA SALAAM LO
QASIM KI SHAADI HO CHUKI YA HONE WALI HAI, DULHA DULHAN KI JODI BADI BEMISAALI HAI, SHADI MEIN MUJH KO BHOOL NA JANA SALAAM LO, AB HAAL GHEM SE GHAIR HAI MERA SALAAM LO
WADA KIYA THA AYENGE LE JAANE KO MUJHE, YA KEHDIYA THA SIRF YE BEHLANE KO MUJHE, HAMSHAKAL-E-MUSTAFA MERE BHAIYYA SALAAM LO, AB HAAL GHAM SE GHAIR HAI MERA SALLAM LO
ASGHER KI YAAD AATI HAI HAR WAQT BABA JAAN, RULWARAHA HAI MUJHKO JUDAYI KA WO SAMAAN, PHIRTA HAI MERI AANKHON MEIN JHOOLA SALAAM LO , AB HAAL GHAM SE GHAIR HAI MERA SALAAM LO
HAR ROZ HOTI JAATI HAI SHIDDAT BUKHAAR MEIN, EK AAG SI LAGI HAI DIL-E-BEQARAR MEIN, MARNE KE HAI KHAREEB MAREEZA SALAAM LO, AB HAAL GHAM SE GHAIR HAI MERA SALAAM LO
HAR DUM GHAM-E-JUDAI KA MUJHKO MALAAL HAI, BECHAIN DIL HAI GHAM SE MERA GHAIR HAAL HAI, AB TO WATAN MEIN JEE NAHI LAGTA SALAAM LO, AB HAAL GHAM SE GHAIR HAI MERA SALAAM LO
SUGRA KO KUCH KHABAR NA THI HALAATH KI HASAN, KUNBE PA HO RAHE THE SAFAR MEIN JO KUCH MEHAN , AASOON SE LIKH RAHI THI MARIZAA SALAAM LO, AB HAAL GHAM SE GHAIR HAI MERA SALAAM LO..