BINT-E-ZEHRA KARTI THI RO KAR BAYAAN, AYE MERE PYAASE BARADAR HO KAHAAN
LUT GAYA GHAR JAL GAYE KHAIME SABHI, ABID-E-BIMAAR KI MASNAD JALI, AAG DAMAN MEIN SAKINA KE LAGI, QAFELE KO LEKE AB JAON KAHAN
AYE MERE PYAASE BARADAR HO KAHAAN
NA ALI AKBAR HAI NA ABBAS HAI, AB NA QASIM HAI NA ASGHAR PAAS HAI, ZINDAGI AB HAR QADAM BE AAS HAI, HOGAYA HAI MUNHARIF SAARA JAHAN
AYE MERE PYAASE BARADAR HO KAHAAN
ZEEST KA HAR LAMHA AB TADPAYEGA, ZULM KA YE SILSILA BADHJAYEGA, AB NA PARDE KA MOHAFIZ AYEGA, SORAHA HAI NAHER PAR SHER-E-JAWAN
AYE MERE PYAASE BARADAR HO KAHAAN
THE RASAN BASTA JO HUM DARBAAR MEIN, SHARM SE THI THAR THARI BIMAAR MEIN, SAAT SAU KURSI NASHEEN DARBAR MEIN, HAYE KAISA HAI YE HUM PAR IMTEHAAN
AYE MERE PYAASE BARADAR HO KAHAAN
KARTI THI BAALI SAKINA ROKE BAIN, AB KISI PEHLOO NAHIN AATA HAIN CHAIN, LO KHABAR AAKAR YA SHAH-E-MASHRAQAIN, KYA NAHIN SUNTE SAKINA KI FUGHAAN
AYE MERE PYAASE BARADAR HO KAHAAN
DASTH MEIN AB HAI QIYAMAT KA SAMAAN, KHAAK PAR BAITHI HAI SAARI BIBIYAAN, AB NAHIN KOI HAMARA PAASBAN, BAANDHNE LAYE HAIN ZALIM REESMA
AYE MERE PYAASE BARADAR HO KAHAAN
SHAAM KE RAHOON MEIN HOGA AB SAFAR, HAYE WO BAZAAR AUR HUM NANGE SAR, SAAT NAIZOU PAR SHAHEEDO KE WO SAR, KIS TARHA DEKHENGI ZAINAB YE SAMAA
AYE MERE PYAASE BARADAR HO KAHAAN
KIS TARHA SUGHRA SE HAAL-E- DIL KAHOON, BAAP KA POORSA USSE KIS TARHA DOON, PUCHE ASGHAR KO TOH USSE KYA KAHOON, ZABT KA YAARA NAHIN HAIN BHAI JAAN
AYE MERE PYAASE BARADAR HO KAHAAN
KARBALA MEIN LUT GAYA SAB GHAR MERA, ISTARHA LUT JAONGI SONCHA NA THA, LAB PE ZAINAB KE SOHAIL AKSAR RAHA, KISTARHA TANHA RAHOON TUJH BIN YAHAN
AYE MERE PYAASE BARADAR HO KAHAAN..