Abbas-o-sakina Ki Hai Ataa Yeh Mashk-o-alam
honge Bhi Nahi Ta'hashr Juda Yeh Mashk-o-alam
1. Yeh Fouj Khuda Ki Shaan Hai
yeh Pyasoun Ki Pehchaan Hai
yeh Sabr-o-wafa Ji Jaan Hai
hai Rounaq-e-bazm-e-aza, Yeh Mashk-o-alam
2. Hain Shahid Zulm-o-jor-o-jafa
yeh Jabr-o-tashadduud Par Hain Gawah
har Dard-o-alam-o-gham Ko Saha
bas Sabr Kiya Kiya Shukr Adaa Yeh Mashk-o-alam.
3. Dariya Ke Kanare Yeh Zulm Huva
zalim Ne Diya Khaimou'n Ko Hata
bhai Ne Bhai Ko Dekha
paani Ke Awaz Liye Pyaas Utha Yeh Mashk-o-alam
4. Har Roz Izaafa Pyaas Huvi
nazren Jo Mashiyyat Par Thi Jami
thi Shukr Ki Khushk Labou'n Pe Tari
bane Shukr-e-mujassam Sar Ta Paa Yeh Mashk-o- Alam
5. Do Baazu Kate Lab-e-dariya
ek Teer Mashkeez-e- Pe Laga
bas Qalb-e-baali Sakina Chida
har Haal Me Hai Raazi Ba Raza Yeh Mashk-o-alam
6. Akbar Ke Mo'attar Woh Gesu
qasim Ke Sehre Ki Qushbu
har Aankh Se Nikle Banke Lahu
hain Itr-e-shahadat Sar Ta Paa Yeh Mashk-o-alam
7. Asghar Ki Tashna'labi Ka Gham
akbar Ki Jawani Ka Matam
khud Maut Ki Aankh Hai Purnam
rote Hain Lahu Ankho'n Se Baha Yeh Mashk-o- Alam
8. Baad-az-qatl-e-sibt-e-nabi
be Waali-o-waaris Aal-e-nabi
be Maqna-o-chadar Bint-e-ali
dete Hain Faheem Halmin Ki Sada Yeh Mashk-o-alam