Ali Ke Ghar Me Qayamat Ki Subha Aayi Hai
khabar Yeh Khalq Ko Jibreel Ne Sunayi Hai
1. Kiya Hai Waar Sitamgar Ne Poori Shiddat Se
shigaafta Huva Sar Murtuza Ka Zarbat Se
radap Rahe Hain Ali Dard Intehayi Hai
2. Bapa Huvi Hai Jo Koofe Me Karbala Dekho
ali Wali Se Jo Ummat Ne Ki Dagha Dekho
imam-e-waqt Se Yeh Kaisi Bewafayi Hai
3. Lahu Me Tar Hai Ruq-e-buturab Wavaila
nabi Ko Khuld Me Hai Izteraab Wavaila
gham-o-alam Ki Fiza Zindagi Pe Chayi Hai
4. Hasan Hussain Hai Baba Ko Dekhkar Maghmoom
saroun Ko Peet Ke Roti Hain Zainab-o-kulsoom
shadeed Gham Hai Musebat Yeh Kaisi Aayi Hai
5. Asar Se Zeher Ke Moula Pe Hai Ghashi Taari
wasiyatoun Ka Musalsal Hai Silsila Jaari
yeh Jaante Hain Ke Bachoun Se Ab Judayi Hai
6. Hasan Hussain Se Farma Rahe Hai Yeh Moula
sitam Ke Waar Se Bachna Muhaal Hai Mera
shaqi Ne Tegh-e-sitam Zeher Me Bujhayi Hai
7. 1si Ke Saath Huvi 1btedaa-e-karb-o-bala
baland Zainab-0-kulsoom Ki Hai Aah-o-buka
yeh Subha Sham-e-ghareeba'n Ka Rang Laayi Hai
8. Jaha'n Me Koi Na Aulad-e-fatima Ka Raha
huva Jo Zulm Ke Sadeq Ujadh Gaya Kunba
ali Shaheed Huve Ya Nabi Duhayi Hai