Ho Ashk Rawaa Maatam Barpa
ye Aun O Mohammad Ki Hai Aza
1. Armaan Bhare Naazo Ke Pale
jaan Haq Pe Lutane Ran Ko Chale
ghurbat Me Huwe Kunbe Se Judaa
ye Aun O Mohammad Ki Hai Aza
2. Kis Tarah Bataye Jake Koi
behna Ki Kamaai Khaak Huwi
dete Hai Sada Ye Shaahe Huda
ye Aun O Mohammad Ki Hai Aza
3. Zakhmo Se Bhare Naazuk Se Badan
hai Khaake Bala Ka Ode Kafan
ye Dashte Bala Deta Hai Sada
ye Aun O Mohammad Ki Hai Aza
4. Zainab Ke Dulare Khoon Me Tar
maqtal Ki Jalti Reti Par
mamu Pe Kiye Jaan Apni Fida
ye Aun O Mohammad Ki Hai Aza
5. Jis Waqt Padi Beto Pe Nazar
the Khoon Me Tar Dono Hi Pisar
toote Huwe Dil Se Maa Ne Kaha
ye Aun O Mohammad Ki Hai Aza
6. Laasho Pe Kaha Ye Zainab Ne
hai Chaand Se Chehre Khoon Me Bhare
deedar Karu Kaise Inka
ye Aun O Mohammad Ki Hai Aza
7. Rukh Kar Ke Madina Kehne Lagi
karbal Me Huwi Godi Sooni
aye Abdullah Mai Hoon Tanha
ye Aun O Mohammad Ki Hai Aza
8. Koi To Sambhalo Zainab Ko
laasho Se Hatalo Zainab Ko
sadme Se Na Marjaye Dukhya
ye Aun O Mohammad Ki Hai Aza
9. Khaimo Me Udaasi Chaayi Hai
ye Kaisi Qayamat Aai Hai
deti Hai Sada Karbal Ki Hawa
ye Aun O Mohammad Ki Hai Aza
10. Dono Ke Janaze Uthte Hai
sab Ahle Azaa Ye Kehte Hai
zainab Ka Makaan Veeran Hua
ye Aun O Mohammad Ki Hai Aza
11. Aulaad Ka Maatam Kar Na Saki
shehzaadi Zainab Binte Ali
tum Karte Raho Matam Ye Sada
ye Aun O Mohammad Ki Hai Aza
12. Qaimo Me Hussaini Ke Anwar
barpa Hai Qayamat Ka Manzar
hai Shor Haram Me Aur Buka
ye Aun O Mohammad Ki Hai Aza